‘ஆயுஷ்’ படிப்புக்கு நாளை முதல் ஆன்லைன் விண்ணப்பம்: இந்திய மருத்துவம், ஓமியோபதி துறை அறிவிப்பு

👉 Click here to Apply Online

சித்தா, ஆயுர்வேதா, யுனானி, ஓமியோபதி, யோகா - இயற்கை மருத்துவம் ஆகிய ‘ஆயுஷ்’ (AYUSH) படிப்புகளுக்கு நாளை முதல் ஆன்லைனில் விண்ணப்பிக்கலாம் என்று இந்திய மருத்துவம், ஓமியோபதி துறை அதிகாரப்பூர்வமாகத் தெரிவித்துள்ளது.

📅

விண்ணப்பிக்க கடைசி நாள் ஜூலை 31, மாலை 5 மணி

🌐

அதிகாரப்பூர்வ இணையதளம் www.tnayushselection.org

🌿 சித்தா, ஆயுர்வேதா, யுனானி, ஓமியோபதி

சித்தா (BSMS), ஆயுர்வேதா (BAMS), யுனானி (BUMS), ஓமியோபதி (BHMS) பட்டப் படிப்புகளுக்கு 2026-27-ம் கல்வி ஆண்டு மாணவர் சேர்க்கைக்கு விண்ணப்பிப்பது நாளை (ஜூலை 13) தொடங்குகிறது.

இப்படிப்புகளுக்கு நீட்தேர்வு (NEET) மதிப்பெண் அடிப்படையில் மாணவர் சேர்க்கை நடைபெறும். அரசுப் பள்ளி மாணவர்களுக்கு 7.5 சதவீத உள்ஒதுக்கீடு வழங்கப்படுகிறது. விண்ணப்பிக்கும்போது, நீட் தேர்வு ஹால் டிக்கெட் எண்ணை பதிவு செய்ய வேண்டும். அதன்மூலம் முடிவுகள் வெளியானதும் மத்திய அரசிடம் இருந்து மதிப்பெண் பெற்றுக் கொள்ளப்படும்.

🧘 யோகா - இயற்கை மருத்துவம் (BNYS)

சென்னை அரும்பாக்கம் மற்றும் செங்கல்பட்டில் அரசு யோகா, இயற்கை மருத்துவக் கல்லூரிகளும், 20 தனியார் கல்லூரிகளும் உள்ளன. ஐந்தரை ஆண்டுகள் கொண்ட பிஎன்ஒய்எஸ் (BNYS) பட்டப் படிப்புக்கும் ஜூலை 31-ம் தேதி வரை ஆன்லைனில் விண்ணப்பிக்கலாம்.

இந்த படிப்புக்கு பிளஸ் 2 மதிப்பெண் அடிப்படையில் மாணவர் சேர்க்கை நடைபெறும். அரசுப் பள்ளி மாணவர்களுக்கு 7.5 சதவீத உள்ஒதுக்கீடு இதற்கு கிடையாது.

♿ சிறப்பு பிரிவினருக்கான நடைமுறை

மேற்கண்ட 5 வகையான ‘ஆயுஷ்’ படிப்புகளுக்கு சிறப்பு பிரிவில் (மாற்றுத் திறனாளிகள், முன்னாள் ராணுவ வீரர்களின் வாரிசு, விளையாட்டு வீரர்) விண்ணப்பிப்பவர்கள் மட்டும் ஆன்லைனில் விண்ணப்பித்த விண்ணப்பத்தை பதிவிறக்கம் செய்து, கேட்கப்பட்டுள்ள அனைத்து சான்றிதழ்களிலும் சுய சான்றொப்பமிட்ட (Self-Attested) நகல்களை இணைத்து, கீழ்க்கண்ட முகவரியில் நேரிலோ, தபால் மூலமாகவோ ஜூலை 31 மாலை 5 மணிக்குள் சமர்ப்பிக்க வேண்டும்.

செயலாளர், தேர்வுக் குழு,
இந்திய மருத்துவம், ஓமியோபதி துறை இயக்ககம்,
அறிஞர் அண்ணா அரசினர் இந்திய மருத்துவமனை வளாகம்,
அரும்பாக்கம், சென்னை - 600106

(மற்றவர்கள் ஆன்லைனில் விண்ணப்பித்தாலே போதுமானது)