2026-2027-ம் ஆண்டு கல்வியாண்டில் எட்டாம் வகுப்பு மாணவர்களுக்கு நடைபெறவுள்ள தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு (NMMS) விண்ணப்பிக்கலாம் என கடந்த அக்டோபர் 23 அன்று அறிவிக்கப்பட்டது.
இத்தேர்விற்கு மாணவர்கள் தங்கள் பள்ளிகள் மூலம் விண்ணப்பிக்க அக்டோபர் 26 முதல் நவம்பர் 3 வரை கால அவகாசம் வழங்கப்பட்டிருந்தது. பின்னர் இது நவம்பர் 13 வரை நீட்டிக்கப்பட்ட நிலையில், தற்போது மாணவர்களின் நலன் கருதியும் அதிக எண்ணிக்கையிலான மாணவர்கள் பயன்பெறும் வகையிலும் இக்கால அவகாசம் 25.11.2026 வரை நீட்டிக்கப்பட்டுள்ளது.
📋 NMMS தேர்வு முக்கிய விவரங்கள்:
கல்வியாண்டு: 2026 - 2027
பயனாளிகள்: அரசு மற்றும் அரசு உதவி பெறும் பள்ளிகளில் 8ஆம் வகுப்பு பயிலும் மாணவர்கள்
புதிய கடைசி தேதி: 25.11.2026 (நவம்பர் 25, 2026)
விண்ணப்பிக்கும் முறை: சம்பந்தப்பட்ட பள்ளிகள் வாயிலாக ஆன்லைனில் விண்ணப்பிக்கலாம்.
📌 மாணவர்களுக்கான அறிவுறுத்தல்கள்:
தவறாமல் விண்ணப்பிக்க வேண்டுகோள்
தேசிய வருவாய்வழி மற்றும் திறன் படிப்புதவித் தொகைத் திட்டத் தேர்வில் தேர்ச்சி பெறும் மாணவர்களுக்கு மாதந்தோறும் கல்வி உதவித்தொகை வழங்கப்படும் என்பதால், எட்டாம் வகுப்பு பயிலும் தகுதியான அனைத்து மாணவர்களும் கடைசி நாளான நவம்பர் 25-க்குள் தங்கள் பள்ளித் தலைமையாசிரியர் மூலம் விண்ணப்பிக்குமாறு கேட்டுக்கொள்ளப்படுகிறார்கள்.
WhatsApp Channel
Telegram Community
0 Comments