பொறியியல், பலவகை தொழில்நுட்பம் (Polytechnic), கலை மற்றும் அறிவியல் கல்லூரி மாணாக்கர்களுக்குப் பிணையில்லா கல்விக் கடன் (Collateral Free Education Loan) வழங்கப்படும் என்றும், இதற்காக மாவட்ட அளவில் கல்விக் கடன் ஒருங்கிணைப்பு அலுவலர்கள் (Educational Loan Facilitation Officer) நியமிக்கப்பட்டுள்ளனர் என்றும் மாண்புமிகு உயர்கல்வித் துறை அமைச்சர் திரு. பெ.விஸ்வநாதன் அவர்கள் பத்திரிகையாளர் சந்திப்பில் தெரிவித்தார்.
மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்கள் தலைமையில் 06.07.2026 அன்று நடைபெற்ற உயர்கல்வித் துறை ஆய்வுக் கூட்டத்தில், பொருளாதார காரணங்களால் எந்தவொரு மாணவரும் உயர்கல்வியை இடைநிறுத்த வேண்டிய நிலை ஏற்படாத வகையில் இந்த நடவடிக்கை எடுக்கப்பட்டுள்ளது.
✨ திட்டத்தின் முக்கியச் செயல்பாடுகள்:
ஒருங்கிணைப்பு அலுவலர்கள் நியமனம்
மாநிலம் முழுவதும் கல்விக்கடன் வழங்குவதைத் திறம்படச் செயல்படுத்த, ஒவ்வொரு மாவட்டத்திற்கும் உதவிப் பேராசிரியர் நிலையில் ஒரு ஒருங்கிணைப்பு அலுவலர் (Facilitation Officer) நியமிக்கப்பட்டுள்ளார். இவர்களுக்குப் பிரத்தியேகமான அலைபேசி எண் வழங்கப்பட்டுள்ளது.
வங்கிகளுடன் இணைப்புப் பாலம்
கல்விக் கடன் பெற விரும்பும் மாணவர்கள் இவர்களைத் தொடர்புகொண்டால், கடன் குறித்த அனைத்து விவரங்களையும் வழங்குவதோடு, மாவட்ட முன்னணி வங்கி மேலாளரைத் (Lead Bank Manager) தொடர்புகொண்டு மாணவர்களுக்கும் வங்கிக்கும் இணைப்புப் பாலமாகச் செயல்படுவார்கள்.
மாவட்ட ஆட்சியரின் ஆய்வு
மாவட்ட ஆட்சித் தலைவர் அவர்கள், வங்கிகளின் ஒருங்கிணைப்பாளர்கள் மற்றும் பொறுப்பு அலுவலர்களுடன் (Nodal Officer) அவ்வப்போது ஆய்வுக் கூட்டம் நடத்தி, வங்கி வாரியாக மாணாக்கர்களுக்குக் கல்விக்கடன் எளிதாகவும், விரைவாகவும் வழங்கிட நடவடிக்கை மேற்கொள்வார்.
📢 அரசின் நோக்கம்:
பொருளாதார காரணங்களால் உயர்கல்வி பாதிக்கப்படாமல், தகுதியான மாணவர்கள் எளிதில் கல்விக் கடன் பெற்று தங்களது கல்வியைத் தொடரும் வாய்ப்பு உறுதி செய்யப்படுவதுடன், உயர்கல்வித் துறையில் மாணாக்கர் சேர்க்கையும் மேலும் அதிகரிக்கும் என உயர்கல்வித் துறை அமைச்சர் தெரிவித்துள்ளார்.
WhatsApp Channel
Telegram Community
0 Comments