RTE Admission 2026-2027 Tamil Nadu: 25% இலவச மாணவர் சேர்க்கை முழு விவரங்கள் & அரசாணை (G.O)

 

   2026-2027ஆம் கல்வியாண்டிற்கு, தனியார் பள்ளிகளில் RTE மூலம் 25% இலவச இடஒதுக்கீடு சேர்க்கை நடைமுறையை தொடங்க தனியார் பள்ளிகள் இயக்குநர் உத்தரவு!

🔍 உங்கள் குழந்தை RTE சேர்க்கைக்கு தகுதியானவரா?

இங்கே கிளிக் செய்து சரிபார்க்கவும்! (Calculator)

தமிழ்நாடு RTE 25% மாணவர் சேர்க்கை 2026-27

முழு கால அட்டவணை மற்றும் வழிகாட்டுதல்கள்

1

பள்ளி கொள்ளளவு தயாரித்தல்

தேதி: 02.04.2026

ஒவ்வொரு பள்ளியும் கொள்ளளவு குறித்த விவரங்களைத் தயாரித்தல்.

2

கல்வி அலுவலகத்தில் சமர்ப்பித்தல்

தேதி: 06.04.2026

25% மாணவர் சேர்க்கை பதிவேட்டை மாவட்ட அலுவலகத்தில் சமர்ப்பித்தல்.

3

காலி இடங்கள் விவரம்

தேதி: 07.04.2026

பள்ளி அறிவிப்புப் பலகையில் காலி இடங்கள் விவரத்தை வெளியிடுதல்.

4

அதிகாரப்பூர்வ அறிவிப்பு

தேதி: 15.04.2026

விண்ணப்பம் கோரி அதிகாரப்பூர்வ அறிவிப்பு வெளியீடு.

5

ஆன்லைன் விண்ணப்பம்

20.04.2026 - 18.05.2026

இணையதளம் மூலம் விண்ணப்பிக்க: rte.tnschools.gov.in

6

விண்ணப்பதாரர்கள் பட்டியல்

தேதி: 20.05.2026 (5 PM)

தகுதியுள்ள / தகுதியற்ற விண்ணப்பதாரர்கள் பட்டியல் வெளியீடு.

7

சமவாய்ப்புத் தேர்வு

தேதி: 22.05.2026

தேவைப்பட்டால், சமவாய்ப்புத் தேர்வு (குலுக்கல் முறை) நடைபெறும்.

8

இறுதிப் பட்டியல்

தேதி: 22.05.2026 (6 PM)

தேர்வு செய்யப்பட்டவர்கள் மற்றும் காத்திருப்போர் பட்டியல் வெளியீடு.

9

இறுதி சேர்க்கை அறிக்கை

தேதி: by 29.05.2026

மாணவர் சேர்க்கை மற்றும் இறுதி அறிக்கை சமர்ப்பித்தல்.

இலவச மற்றும் கட்டாயக் கல்வி உரிமைச் சட்டம் (RTE) சேர்க்கை 2026-2027

2009 ஆம் ஆண்டின் கல்வி உரிமைச் சட்டத்தின்படி, சிறுபான்மையற்ற தனியார் சுயநிதிப் பள்ளிகளில் நுழைவு நிலை வகுப்புகளில் (LKG/1st Std) நலிவடைந்த மற்றும் வாய்ப்பு மறுக்கப்பட்ட பிரிவினருக்கு குறைந்தபட்சம் 25% இடஒதுக்கீடு வழங்கப்படுகிறது.

📌 சேர்க்கைக்கான தகுதிகள் மற்றும் நிபந்தனைகள்

• அருகாமை இடம்: விண்ணப்பிக்கும் பள்ளி குழந்தையின் இருப்பிடத்திலிருந்து 1 கிலோ மீட்டர் சுற்றளவிற்குள் இருக்க வேண்டும்.
• வயது வரம்பு (LKG): குழந்தை 01.08.2022 முதல் 31.07.2023-க்குள் பிறந்திருக்க வேண்டும்.
• வயது வரம்பு (I Std): குழந்தை 01.08.2020 முதல் 31.07.2021-க்குள் பிறந்திருக்க வேண்டும்.
• நலிவடைந்த பிரிவினர்: பெற்றோரின் ஆண்டு வருமானம் ₹2 லட்சத்திற்கும் குறைவாக இருக்க வேண்டும்.

📄 தேவையான ஆவணங்கள்

• பிறப்புச் சான்றிதழ்: பிறப்புச் சான்றிதழ், மருத்துவமனைப் பதிவேடு, அங்கன்வாடி பதிவு அல்லது பெற்றோரின் உறுதிமொழி ஆவணம்.
• இருப்பிடச் சான்று: குடும்ப அட்டை, வாக்காளர் அடையாள அட்டை, ஆதார் அட்டை, ஓட்டுநர் உரிமம், வங்கி கணக்குப் புத்தகம், தொலைபேசி கட்டண ரசீது, பான் கார்டு அல்லது VAO வழங்கிய இருப்பிடச் சான்று.
• வாய்ப்பு மறுக்கப்பட்டவர் சான்று: BC, BCM, MBC, DNC, SC, SCA, ST பிரிவினருக்கான சாதிச் சான்றிதழ்.
• சிறப்புப் பிரிவினர் சான்று: ஆதரவற்றோர், HIV பாதிக்கப்பட்டவர், மூன்றாம் பாலினத்தவர், துப்புரவு தொழிலாளியின் குழந்தை மற்றும் மாற்றுத்திறனாளி குழந்தைகளுக்கான உரிய சான்றிதழ்கள்.
• நலிவடைந்த பிரிவினர் சான்று: வட்டாட்சியரால் வழங்கப்பட்ட வருமானச் சான்றிதழ்.

🎟️ தேர்வு முறை

• சிறப்புப் பிரிவினருக்கு (ஆதரவற்றோர், HIV பாதிக்கப்பட்டவர் போன்றோர்) குலுக்கலுக்கு முன்னரே முன்னுரிமை அடிப்படையில் சேர்க்கை வழங்கிட வேண்டும்.
• நிர்ணயிக்கப்பட்ட இடங்களை விட விண்ணப்பங்கள் கூடுதலாக இருந்தால், 22.05.2026 அன்று குலுக்கல் முறையில் (சமவாய்ப்புத் தேர்வு) மாணவர்கள் தேர்வு செய்யப்படுவார்கள்.
• ஒவ்வொரு பிரிவுக்கும் 5 மாணவர்கள் கொண்ட காத்திருப்புப் பட்டியல் வரிசை எண்ணிட்டு பராமரிக்கப்படும்.

RTE Admission - Director Proceedings

Click here to Download G.O

அடிக்கடி கேட்கப்படும் கேள்விகள் (FAQs)

1. RTE 25% இடஒதுக்கீடு எந்தெந்தப் பள்ளிகளுக்குப் பொருந்தும்?

அனைத்துச் சிறுபான்மையற்ற தனியார் சுயநிதிப் பள்ளிகளிலும் நுழைவுநிலை வகுப்பில் (LKG / I Std) குறைந்தபட்சம் 25% இட ஒதுக்கீடு வழங்கப்பட வேண்டும்.

2. 2026-2027 கல்வியாண்டிற்கான விண்ணப்பப் பதிவு எப்போது தொடங்கும்?

பெற்றோர்கள் 20.04.2026 முதல் 18.05.2026 வரை (பிற்பகல் 5 மணி வரை) சேர்க்கைக்கு விண்ணப்பிக்கலாம்.

3. RTE சேர்க்கைக்கு எந்த இணையதளத்தின் மூலம் விண்ணப்பிக்க வேண்டும்?

rte.tnschools.gov.in என்ற அதிகாரப்பூர்வ இணையதளத்தின் மூலமாக விண்ணப்பிக்க வேண்டும்.

4. வீட்டில் இணைய வசதி இல்லாவிட்டால் எப்படி விண்ணப்பிப்பது?

மாவட்ட முதன்மைக் கல்வி அலுவலர், மாவட்டக் கல்வி அலுவலர், வட்டாரக் கல்வி அலுவலர் மற்றும் ஒருங்கிணைந்த பள்ளிக்கல்வி வட்டார வள மைய அலுவலகங்களில் இணைய வழியில் இலவசமாகப் பதிவு செய்ய தக்க ஏற்பாடுகள் செய்யப்பட்டுள்ளன.

5. LKG சேர்க்கைக்கு குழந்தையின் வயது வரம்பு என்ன?

எல்.கே.ஜி வகுப்பிற்கு விண்ணப்பிக்கும் குழந்தைகள் 01.08.2021 முதல் 31.07.2022-க்குள் பிறந்திருக்க வேண்டும்.

6. ஒன்றாம் வகுப்பு (1st Std) சேர்க்கைக்கான வயது வரம்பு என்ன?

ஒன்றாம் வகுப்பிற்கு விண்ணப்பிக்கும் குழந்தைகள் 01.08.2019 முதல் 31.07.2020-க்குள் பிறந்திருக்க வேண்டும்.

7. பள்ளியிலிருந்து எவ்வளவு தூரத்திற்குள் வசிப்பவர்கள் விண்ணப்பிக்கலாம்?

சட்டப்பிரிவு 12 (1) (சி) இன் கீழ் எல்.கே.ஜி அல்லது முதல் வகுப்பிற்கு அருகாமையிடம் என்பது 1 கிலோ மீட்டர் சுற்றளவு ஆகும். இருப்பிடத்திலிருந்து பள்ளி 1 கிலோ மீட்டருக்குள் உள்ள விண்ணப்பங்களை மட்டுமே பரிசீலனைக்கு எடுத்துக் கொள்ள வேண்டும்.

8. நலிவடைந்த பிரிவினரின் கீழ் விண்ணப்பிக்க ஆண்டு வருமானம் எவ்வளவு இருக்க வேண்டும்?

ஆண்டு வருமானம் இரண்டு இலட்சத்துக்கும் கீழ் பெறும் அனைத்துப் பிரிவினரும் நலிவடைந்த பிரிவினரின் கீழ் விண்ணப்பிக்கலாம்.

9. வாய்ப்பு மறுக்கப்பட்ட சிறப்புப் பிரிவினர் யாவர்?

ஆதரவற்றோர், எச்ஐவி யால் பாதிக்கப்பட்ட குழந்தை, மூன்றாம் பாலினத்தவர், துப்புரவு தொழிலாளியின் குழந்தை மற்றும் மாற்றுத்திறன் குழந்தை ஆகியோர் ஆவர். இவர்களுக்கு குலுக்கலுக்கு முன்னரே முன்னுரிமை அடிப்படையில் சேர்க்கை வழங்கப்படும்.

10. இருப்பிடச் சான்றாக ஆதார் அட்டையைத் தவிர வேறு என்ன ஆவணங்களைப் பயன்படுத்தலாம்?

குடும்ப அட்டை, வாக்காளர் அடையாள அட்டை, ஓட்டுநர் உரிமம், வங்கி கணக்குப் புத்தகம், தொலைபேசி கட்டண ரசீது, பான் கார்டு அல்லது கிராம நிர்வாக அலுவலர் (VAO) வழங்கும் இருப்பிடச் சான்று ஆகியவற்றையும் பயன்படுத்தலாம்.

11. தகுதியான மற்றும் தகுதியற்ற விண்ணப்பங்களின் பட்டியல் எப்போது வெளியிடப்படும்?

தகுதியுள்ள மற்றும் தகுதியற்ற விண்ணப்பதாரர்களின் பெயர்கள், நிராகரிப்புக்கான காரணத்துடன் 20.05.2026 அன்று பிற்பகல் 5 மணிக்கு வெளியிடப்படும்.

12. விண்ணப்பத்தில் ஆவணங்கள் ஏதேனும் விடுபட்டிருந்தால் என்ன செய்வது?

விடுபட்ட ஆவணங்கள் கொண்ட விண்ணப்பங்கள் பற்றி தகவல் பெறப்பட்டால், பெற்றோர்கள் 19.05.2026 மாலை 5 மணிக்குள் விடுபட்ட ஆவணங்களை மாவட்டக் கல்வி அலுவலர் அல்லது ஒருங்கிணைப்பாளரிடம் நேரில் ஒப்படைக்க வேண்டும்.

13. பள்ளியில் உள்ள இடங்களை விட விண்ணப்பங்கள் அதிகமாக இருந்தால் மாணவர் சேர்க்கை எப்படி நடைபெறும்?

தகுதியான விண்ணப்பங்களின் எண்ணிக்கை 25% ஒதுக்கீட்டில் நிர்ணயிக்கப்பட்ட இடங்களை விட கூடுதலாக இருந்தால், 22.05.2026 அன்று குலுக்கல் முறையில் (சமவாய்ப்புத் தேர்வு) மாணாக்கர்கள் தெரிவு செய்யப்படுவார்கள்.

14. குலுக்கல் முறையில் தேர்ந்தெடுக்கப்பட்ட மாணவர்களுக்கு எப்படித் தகவல் தெரிவிக்கப்படும்?

தேர்வு செய்யப்படும் மாணாக்கர்களின் பெற்றோர்களின் கைபேசி (Mobile) எண்ணிற்கு இதற்கான குறுந்தகவல் (SMS) அனுப்பப்படும்.

15. தேர்ந்தெடுக்கப்பட்ட மாணவர்கள் எப்போது பள்ளியில் சென்று சேர வேண்டும்?

சேர்க்கைக்குத் தெரிவு செய்யப்பட்ட மாணாக்கர்கள் 25.05.2026 முதல் 27.05.2026-க்குள் பள்ளியில் சேர்க்கை செய்யப்பட வேண்டும். வரத்தவறினால் காத்திருப்புப் பட்டியலில் உள்ள மாணவர்களுக்கு சேர்க்கை வழங்கப்படும்.