பள்ளி மாணவர்கள் அரசியல் கட்சியின் பெயரைச் சொல்லி கோஷம் எழுப்பியது தொடர்பாக, பள்ளிக் கல்வித்துறை முதன்மைச் செயலாளர் விசாரணை நடத்தி அறிக்கை தாக்கல் செய்ய உயர் நீதிமன்றம் உத்தரவிட்டுள்ளது.
மதுரை ஒத்தக்கடையைச் சேர்ந்த தீரன் திருமுருகன் என்பவர் உயர் நீதிமன்ற மதுரை அமர்வில் தாக்கல் செய்த மனுவில், சிவகங்கை மாவட்டம் காரைக்குடி அழகப்பா மாதிரி மேல்நிலைப் பள்ளியில் நடைபெற்ற அரசு நிகழ்ச்சியில் மாணவர்கள் 'டிவிகே' (தவெக) என கோஷமிட்டது குறித்தும், கல்வி நிறுவனங்களை அரசியல் சார்ந்த நடவடிக்கைகளுக்குப் பயன்படுத்துவதைத் தடுத்து நிலையான வழிகாட்டுதல்களை வழங்கக் கோரியும் வழக்கு தொடர்ந்திருந்தார்.
⚖️ உயர் நீதிமன்ற அமர்வின் அதிரடி உத்தரவு
இந்த வழக்கை விசாரித்த நீதிபதிகள் வேல்முருகன் மற்றும் ராமகிருஷ்ணன் அமர்வு, மனுதாரரின் புகார் தொடர்பாகப் பள்ளிக் கல்வித்துறை முதன்மைச் செயலர் நேரில் விசாரித்து 4 வாரத்திற்குள் நீதிமன்றத்தில் அறிக்கை தாக்கல் செய்ய வேண்டும் என உத்தரவிட்டுள்ளது.
📌 வழக்கின் முக்கிய விவரங்கள்:
மனுதாரரின் குற்றச்சாட்டு
அமைச்சர் உள்ளிட்டோர் கலந்துகொண்ட அரசு விழாவில் பள்ளி மாணவர்களைக் கட்டாயப்படுத்தி அரசியல் கட்சியின் பெயரை கோஷமிடச் செய்துள்ளதாகவும், கல்வி நிறுவனங்களில் அரசியல் கோஷங்களை ஊக்குவிக்கக் கூடாது எனவும் மனுவில் குறிப்பிடப்பட்டிருந்தது.
நீதிமன்றத்தின் உத்தரவு
வழக்கை விசாரித்த நீதிபதிகள் அமர்வு, கல்வி வளாகங்களில் அரசியல் நடவடிக்கைகளைத் தடுப்பது தொடர்பாகவும், இச்சம்பவம் குறித்தும் பள்ளிக் கல்வித்துறை முதன்மைச் செயலாளர் விரிவான விசாரணை நடத்தி 4 வாரத்தில் அறிக்கை சமர்ப்பிக்க உத்தரவிட்டது.
WhatsApp Channel
Telegram Community
0 Comments