PF ஊதிய உச்சவரம்பு ரூ.25,000 ஆக உயர்வு: மத்திய அமைச்சரவை ஒப்புதல்!

பணியாளர் வருங்கால வைப்பு நிதி (PF) திட்டத்தில் கட்டாயமாக சேருவதற்கான மாதாந்திர அடிப்படை சம்பள வரம்பை ரூ.15,000-லிருந்து ரூ.25,000-மாக உயர்த்த மத்திய அமைச்சரவை ஒப்புதல்

பணியாளர் வருங்கால வைப்பு நிதி (PF) திட்டத்தில் கட்டாயமாக சேர்வதற்கான மாதாந்திர அடிப்படை சம்பள வரம்பைத் தற்போதைய 15,000 ரூபாயில் இருந்து 25,000 ரூபாயாக உயர்த்த மத்திய அமைச்சரவை ஒப்புதல் அளித்துள்ளது.

மத்திய அமைச்சர் அஸ்வினி வைஷ்ணவ் இதுகுறித்துக் கூறியதாவது: விஸ்வகர்மா ஜெயந்தியை முன்னிட்டு நாடு முழுவதும் பணியாற்றும் தொழிலாளர்களுக்காகப் பிரதமர் மோடி தலைமையில் நடந்த கூட்டத்தில் இந்த முக்கிய முடிவு எடுக்கப்பட்டுள்ளது. முன்பு 2014-ல் நிர்ணயிக்கப்பட்ட ரூ.15,000 சம்பள வரம்பு தற்போது ரூ.25,000-மாக உயர்த்தப்பட்டுள்ளது. இதனால் சுமார் 51 லட்சம் பணியாளர்கள் பலன்பெறுவார்கள்; அரசுக்கு ஆண்டுதோறும் ரூ.11,339 கோடி கூடுதலாகச் செலவாகும். நிர்வாக மற்றும் தொழில்நுட்ப ஏற்பாடுகள் நிறைவடைந்த பிறகு புதிய விதிமுறை அமலுக்கு வரும்.

📌 PF ஊதிய உச்சவரம்பு உயர்வு முக்கிய அம்சங்கள்:

📈 சம்பள வரம்பு உயர்வு

மாதாந்திர அடிப்படைச் சம்பள வரம்பு Rs.15,000-லிருந்து Rs.25,000 ஆக உயர்த்தப்பட்டுள்ளது.

👥 பயனடையும் பணியாளர்கள்

புதிய விதியால் நாடு முழுவதும் உள்ள சுமார் 51 லட்சம் பணியாளர்கள் நேரடியாகப் பலன் பெறுவார்கள்.

💰 மாதாந்திர பங்களிப்பு

சம்பள வரம்பு ரூ.25,000 ஆக உயரும்போது, பணியாளர் மற்றும் நிறுவனத்தின் பி.எப். பங்களிப்பு ரூ.3,000-மாக அதிகரித்து நீண்டகாலச் சமூக பாதுகாப்பு வலுப்பெறும்.