வங்கி ஊழியர்கள் மூன்று நாட்கள் வேலை நிறுத்தம் தள்ளிவைப்பு! - வழக்கம்போல் வங்கிகள் இயங்கும்

இந்திய வங்கிகள் சங்கம் (IBA) உடனான பேச்சுவார்த்தையில் உடன்பாடு எட்டியதை அடுத்து, நாடு தழுவிய மூன்று நாள் வங்கி வேலைநிறுத்தப் போராட்டம் தற்காலிகமாக ஒத்திவைப்பு

வாரத்தில் 5 நாட்கள் மட்டுமே வேலை உள்ளிட்ட பல்வேறு கோரிக்கைகளை வலியுறுத்தி, நாடு தழுவிய அளவில் அறிவிக்கப்பட்டிருந்த மூன்று நாள் வங்கிகள் ஸ்டிரைக், தற்காலிகமாக ஒத்திவைக்கப்பட்டுள்ளது. இந்திய வங்கிகள் சங்கம் உடனான பேச்சுவார்த்தையில் உடன்பாடு எட்டியதை அடுத்து, வங்கி தொழிற்சங்கங்களின் கூட்டமைப்பு இந்த முடிவை எடுத்துள்ளது.

பேச்சுவார்த்தை சுமூகமாக முடிந்த நிலையில், திட்டமிட்ட போராட்ட நடவடிக்கைகளையும், 3 நாள் ஸ்டிரைக்கையும் ஒத்திவைப்பதாக வங்கி தொழிற்சங்கங்களின் கூட்டமைப்பு (UFBU) அதிகாரப்பூர்வமாக அறிவித்துள்ளது. இதனால் இன்று வழக்கம்போல் அனைத்து வங்கிகளும் செயல்படும்.

🎉 வாடிக்கையாளர்களுக்குப் பெரும் நிம்மதி

மாதத்தின் கடைசி வாரத்தில் வங்கிச் சேவைகள் முடங்கும் நிலை ஏற்பட்ட நிலையில், அந்த அபாயம் தவிர்க்கப்பட்டதால், வாடிக்கையாளர்களும், வர்த்தகர்களும் பெரும் நிம்மதி அடைந்துள்ளனர்.