மக்கள் தொகை கணக்கெடுப்பு பணி நீட்டிப்பு - தஞ்சாவூர் மாவட்ட ஆட்சியர் கடிதம் & உத்தரவு!

தஞ்சாவூர் மாவட்டம் தேசிய மக்கள் தொகை கணக்கெடுப்பு முதற்கட்ட பணிகளை முடிக்க செப்டம்பர் 5-ம் தேதி வரை அவகாசம் நீட்டிப்பு

தஞ்சாவூர் மாவட்ட முதன்மை மக்கள்தொகை கணக்கெடுப்பு அலுவலர் மற்றும் மாவட்ட ஆட்சியர் அவர்களின் கடிதத்தின்படி, தஞ்சாவூர் மாவட்டத்தில் 2027-ம் ஆண்டிற்கான தேசிய மக்கள் தொகை கணக்கெடுப்பு பணிகள் இரண்டு கட்டங்களாக நடைபெறவுள்ளது. இதில் முதற்கட்ட கணக்கெடுப்புப் பணிகளை விரைந்து முடித்திட அறிவுறுத்தப்பட்டிருந்தது.

தற்போது அப்பணியை முழுமையாக முடித்திட செப்டம்பர் 5-ம் தேதி வரை காலம் நீட்டிக்கப்பட்டுள்ளது. மேலும், மக்கள் தொகை கணக்கெடுக்கும் பணியை முடிக்காத ஆசிரியர்களுக்கு மாற்றுப்பணி அளித்து, அப்பணியை எவ்வித புகார்களுக்கும் இடமளிக்காத வண்ணம் விரைந்து முடித்திட அறிவுறுத்துமாறு பள்ளித் தலைமை ஆசிரியர்கள் கேட்டுக்கொள்ளப்படுகிறார்கள்.