9 பள்ளிகளை மூட முடிவு!

9 பள்ளியை மூட முடிவு!

திருப்பூர் மாவட்டத்தில் தொடக்கப் பள்ளிகளின் அவல நிலை

• ஒரு மாணவர் கூட இல்லாமல் என்ன செய்வது?
• விழிப்புணர்வு ஏற்படுத்த தவறிய அதிகாரிகள்.

திருப்பூர் மாவட்டத்தில் நடப்பு கல்வியாண்டில் மாணவர் சேர்க்கை கடுமையாகச் சரிந்துள்ளதால், ஒரு மாணவர் கூட இல்லாத 9 அரசுப் பள்ளிகள் மூடப்படும் நிலைக்குத் தள்ளப்பட்டுள்ளன. மேலும், இம்மாவட்டத்தில் 144 அரசு தொடக்கப் பள்ளிகளில் மாணவர் எண்ணிக்கை 10-க்கும் குறைவாகவே உள்ளது பெரும் அதிர்ச்சியை ஏற்படுத்தியுள்ளது.

குறிப்பாக தாராபுரம் கல்வி மாவட்டத்தில் 7 பள்ளிகளும், திருப்பூர் கல்வி மாவட்டத்தில் 2 பள்ளிகளும் என மொத்தம் 9 பள்ளிகளில் இதுவரை ஒரு மாணவர் கூட சேர்க்கப்படவில்லை. வேலை தேடிப் பெற்றோர் வெளியூர் செல்வது, கிராமங்களில் இருந்து நகரங்களை நோக்கி மக்கள் இடம்பெயர்வது போன்ற காரணங்களால் மாணவர் சேர்க்கை கணிசமாகக் குறைந்துள்ளதாகக் கூறப்படுகிறது.

❝

"ஒரு மாணவர் கூட சேராத பள்ளிகளில் மாணவர் சேர்க்கையைத் துரிதப்படுத்த கல்வி அதிகாரிகள் உரிய நடவடிக்கை எடுத்திருக்க வேண்டும். ஆனால், அதனைச் செய்யாததால், தற்போது 9 பள்ளிகளை மூட வேண்டிய நிலைமை ஏற்பட்டுள்ளது."

நடப்பு கல்வியாண்டில் மூடப்பட உத்தேசித்துள்ள அரசு துவக்கப்பள்ளிகள் (திருப்பூர் மாவட்டம்)

ஒன்றியம்	10க்கும் குறைவாக மாணவர் உள்ள பள்ளி	மாணவரே இல்லாத பள்ளி
மூலனூர்	37	3
குண்டடம்	31	1
தாராபுரம்	26	1
வெள்ளகோவில்	15	-
மடத்துக்குளம்	7	1
உடுமலை	6	1
அவிநாசி	5	1
குடிமங்கலம்	4	-
திருப்பூர் வடக்கு	4	-
பொங்கலூர்	3	1
ஊத்துக்குளி	3	-
திருப்பூர் தெற்கு	2	-
காங்கயம்	1	-
மொத்தம்	144	9